Түгээмэл асуултууд

Шүршдэг хөөсөн дулаалга нь полиол болон изоцианат гэх хоёр үндсэн химийн түүхий эдээс бүрдэх, тусгай тоног төхөөрөмжөөр барилгын гадаргуу дээр шүрших үед хурдан урвалд орж, хөөсөн бүтэцтэй, дулаан тусгаарлах хатуу давхарга үүсгэдэг материал юм. Энэхүү материал нь барилгыг дулаан алдагдлаас хамгаалахаас гадна, байгалийн гамшигт тэсвэртэй байдлыг сайжруулахад зориулагдсан дэвшилтэт шийдэл юм.

Шүршдэг хөөсөн дулаалга нь олон талын давуу талтай:

• Эрчим хүчний хэмнэлт: Халаалт, хөргөлтийн зардлыг 90% хүртэл бууруулдаг. Хөрөнгө оруулалт 2 жилийн дотор нөхөгдөнө.
• Битүүмжлэл: Агаар болон чийгийн нэвчилтийг бүрэн хааж, дулааны гүүр үүсэхээс сэргийлдэг.
• Насжилт: 50-100 жил ашиглагдах боломжтой бөгөөд цаг хугацааны явцад суулт өгч, зай завсар гаргадаггүй.
• Чийг, хөгц мөөгөнцөрөөс хамгаалах: Ус шингээдэггүй тул хөгц, мөөгөнцөр үүсэх нөхцлийг устгадаг.
• Галд тэсвэртэй: Гал дэмждэггүй, Г2 стандартад нийцсэн бүтээгдэхүүн. Модон хийцийг галаас хамгаална.
• Бат бөх чанар: Барилгын гадаргууд жигд наалдаж, бүтцийн даацыг нэмэгдүүлдэг.
• Олон талын хэрэглээ: Дээвэр, хана, шал, суурь, хөргөлтийн зоорь, автомашин зэрэг олон төрлийн барилга, тоног төхөөрөмжид ашиглагдана.

Шүршдэг хөөс нь материал бүх нүх сүв, завсарыг бүрэн бөглөж, агаар болон дулаан алдагдлыг 98%-иас дээш үр ашигтайгаар зогсоодог. Энэ нь дулаан дамжуулалтын итгэлцүүр (0.020–0.025 Вт/мК) маш бага байдагтай холбоотой. Ингэснээр байшингийн доторх дулааныг гадагш алдахгүй байж, халаалтад зарцуулах эрчим хүчийг 50-90% хүртэл хэмнэх боломжтой. Жишээлбэл, 100м² талбайтай орон сууцны сарын халаалтын зардал 530,000₮-с 100,000₮ болж буурч болно.

Шүршдэг полиуретан хөөс нь зөв суурилуулбал 50-100 жил чанараа алдалгүй ашиглагдах боломжтой. Энэ нь уламжлалт дулаалгын материалуудтай харьцуулахад хамаагүй урт бөгөөд барилгын өөрийн насжилттай ижил хугацаанд үүргээ гүйцэтгэнэ. Мөн цаг хугацааны явцад суулт өгч, зай завсар гардаггүй.

Тийм ээ, шүршдэг хөөс нь гал дэмждэггүй материал бөгөөд EN 13501-1 стандартын дагуу E ангилалд багтдаг. Энэ нь уламжлалт хөөсөнцрөөс илүү аюулгүй бөгөөд модон араг хийцтэй барилгыг гал түймрээс найдвартай хамгаалдаг.

Шүршдэг хөөсийг буруу, хамгаалалтгүйгээр хэрэглэхэд эрүүл мэндэд сөрөг нөлөө үзүүлэх боломжтой, ялангуяа суурилуулалтын үед ялгарах уур, хий нь амьсгалын зам, арьс, нүдийг цочроож болно. Гэхдээ “Гэрчулуу Констракшн” усан суурьтай, байгалийн гаралтай, Евро стандартын түүхий эдээр үйлчилгээ үзүүлдэг. Энэ нь хорт бодис, фреон зэргийг агуулаагүй, GWP=0, ODP=0 үзүүлэлттэй эко бүтээгдэхүүн юм. Шүршилт хийж дууссанаас хойш 24 цагийн дараа хөөс бүрэн хатаж, эрүүл мэндэд хор хөнөөлгүй болдог.

Шүршдэг хөөс нь хатуу битүү бүтэцтэй тул ус, чийгийг бараг 100% хааж, агаар нэвтрүүлэхээс өндөр түвшинд сэргийлдэг. Энэ нь мөөгөнцөр, хөгц үүсэх эрсдэлийг эрс бууруулж, урт хугацааны турш бат бөх хамгаалалт үүсгэдэг. Ялангуяа үерийн үед барилгыг уснаас хамгаалахад онцгой үр ашигтай.

Шүршдэг хөөс нь бүтцийн хувьд хоёр үндсэн төрөлтэй:

• Битүү бүтэцтэй (хатуу) хөөс: Дулаан хадгалалт, ус тусгаарлалт, бат бөх чанар өндөр. Дээвэр, хана, суурь, гадна талын хэсгүүдэд хамгийн тохиромжтой.
• Задгай бүтэцтэй (зөөлөн) хөөс: Дуу тусгаарлалт, агаар сэлгэлт шаардлагатай дотоод хана, тааз, оффист хэрэглэхийг зөвлөдөг. Ус ихтэй орчинд тохиромжгүй.

Энэ нь барилгын дулаалгаас гадна хөргөлтийн зоорь, аж үйлдвэрийн тоног төхөөрөмж, автомашин зэрэг олон зориулалтаар ашиглагддаг.

2024-2025 оны зах зээлийн үнийн мэдээллээр:

• Хятад фреон суурьтай хөөс: 1м²/5см нь 29,000 – 39,000₮ (материал болон ажлын хөлс нийлсэн).
• Евро усан суурьтай хөөс: 1м²/5см нь 58,000 – 72,000₮ (материал болон ажлын хөлс нийлсэн).

Үнэ нь бүтээгдэхүүний нягт, гарал үүсэл, шүршигч компанийн туршлага зэргээс хамаарч өөрчлөгддөг.

Шүршдэг хөөс нь дулаан тусгаарлах чадвар, битүүмжлэл, насжилт, ус тусгаарлалт зэргээрээ уламжлалт материалуудаас (чулуун хөвөн, шилэн хөвөн, хөөсөнцөр) илүү давуу талтай. Тухайлбал, 5см зузаантай шүршдэг хөөс нь 10.1см чулуун хөвөнтэй тэнцэхүйц дулаан тусгаарлах чадвартай. Мөн агаар, чийгийг огт нэвтрүүлдэггүй, суулт өгдөггүй, хөгц үүсгэдэггүй.

Барилгын битүүмжлэл нь дулаан алдагдлыг зогсоож, эрчим хүчний хэрэглээг бууруулахад хамгийн чухал хүчин зүйл. Хэрэв байшин сайн битүүмжлэлгүй бол ханаар агаар нэвтэрч, өвлийн улиралд халаасан агаар гадагш алдагдаж, хүйтэн агаар орж ирдэг. Энэ нь эрчим хүчний үргүй зардалд хүргэдэг. Зөвхөн агааржуулалтын системээр цэвэр агаар оруулж, бохир агаарыг гадагшлуулах ёстой.

Шүршдэг хөөс нь хатаж, барилгын гадаргууд бэхжиж, эд ангиудыг чичирхийлэл, механик стрессээс хамгаалдаг. Энэ нь бүтцийн чухал холболтыг сулруулахгүй, газар хөдлөлт болон салхи шуургын үед барилгын эвдрэлийг багасгаж, тогтвортой байдлыг 50% хүртэл нэмэгдүүлдэг.

Стандартын полиуретан шүршдэг хөөс нь Монголын эрс тэс уур амьсгалд тохиромжтой бөгөөд -40°C-аас +120°C хүртэл температурт чанараа хадгалан, тасралтгүй ажиллах боломжтой. Богино хугацаанд бүр 250°C хүртэл өндөр температурт ч шинж чанараа алдахгүй байж чаддаг.

Шүршдэг хөөсийг голчлон полиол болон изоцианат гэх хоёр үндсэн химийн түүхий эдээс хийдэг. Үүнд хөөс үүсгэгч бодис, катализатор, тогтворжуулагч болон галд тэсвэртэй нэмэлтүүд багтана. “Гэрчулуу Констракшн” нь ОХУ-ын Экотермикс болон Канад/АНУ-ын Айсинин (Huntsman) брэндүүдийн усан суурьтай, байгаль орчинд ээлтэй, хүний эрүүл мэндэд хоргүй, Евро стандартын түүхий эдийг ашигладаг. Фреон суурьтай хөөсийг Монгол Улсад 2020 оны 1-р сараас хориглосон.

“Гэрчулуу Констракшн” нь хувийн орон сууц, үйлдвэр, агуулах зэрэг бүх төрлийн барилгын дулаалгын үйлчилгээг үзүүлдэг. Мөн дулаан алдагдлын шинжилгээ (термокамер болон “Хар хайрцаг” төхөөрөмжөөр) хийж, нарийвчилсан зөвлөгөө өгдөг. Түүнчлэн, шүршдэг хөөсний тоног төхөөрөмж, сэлбэг хэрэгсэл, түүхий эд нийлүүлж, сургалт зохион байгуулдаг. Хийж гүйцэтгэсэн ажил бүрдээ 25 жилийн баталгаат хугацаа олгодог.

Үйл явц дараах шат дарааллаар явагддаг:

1. Захиалгын хуудас бөглөх: Вэбсайтаар эсвэл холбогдох линкээр дамжуулан хүсэлтээ илгээнэ.
2. Инженер үзлэг хийх: Захиалгын дагуу инженер барилгын талбай дээр очиж зөвлөгөө өгч, хэмжилт хийж, мэдээлэл цуглуулна.
3. Төлөвлөгөө, үнийн санал гаргах: Ажлын төлөвлөгөөг гаргаж, үнийн саналыг тооцоолно.
4. Гэрээ байгуулж, захиалга баталгаажуулах: Үнийн саналын дагуу гэрээ байгуулж, төлбөр хийснээр захиалга баталгаажна.
5. Ажлыг гүйцэтгэж, хүлээлгэн өгөх: Төлөвлөгөөний дагуу ажлыг гүйцэтгэж, захиалагчид хүлээлгэн өгнө.
6. Баталгаа олгож, үлдэгдэл төлбөр төлөх: Гүйцэтгэсэн ажилд 25 жилийн баталгаа олгогдоно.

“Байшин амьсгалах ёстой” гэдэг нь агаар солилцоог зөв зохион байгуулахыг хэлдэг. Уламжлалт Монгол гэрийн эсгий нь чийгтэй агаарыг шингээж, хатаадаг зарчмаар ажилладаг ч энэ нь дулаан алдагдал ихтэй байдаг. Орчин үеийн барилгын хувьд, ханаар “амьсгалах” нь дулаан алдагдалд хүргэдэг буруу ойлголт юм. Харин агаар солилцоог ханаар биш, агааржуулалтын системээр хийх ёстой. Шүршдэг хөөсөөр бүрэн битүүмжилсэн байшин нь агаар алдагдлыг зогсоож, цэвэр агаарыг зөвхөн агааржуулалтын системээр хангах нь эрүүл, дулаан орчин бүрдүүлэх зөв шийдэл юм.

“Гэрчулуу Констракшн” нь дулаан алдагдлыг тодорхойлохын тулд термокамер болон өөрсдийн зохион бүтээсэн “Хар хайрцаг” төхөөрөмжийг ашигладаг. Энэ төхөөрөмж нь байшингийн бүхий л цэг дээрх температурыг 24 цагийн турш тэмдэглэн авч, дулаан алдагдлыг маш нарийн тодорхойлдог. Мөн цонх, хаалганы жийрэг, завсар, сантехникийн хоолой гарсан хэсэг, дээвэр, хананы уулзвар, яндан зэрэг сийгэлт үүсэх магадлалтай цэгүүдийг шалгадаг.

“Гэрчулуу Констракшн” нь 2005 оноос барилгын салбарт үйл ажиллагаагаа эхэлж, 2007 оноос амины орон сууцны чиглэлээр дагнан ажилласан. Компани байгуулагдаад 16 жил болж байгаа бөгөөд дулаан алдагдлыг шинжлэх ухаанчаар шийдэхийн тулд технологио тасралтгүй сайжруулж ирсэн. Дулаан алдагдлын шинжилгээг 4 жил хийж, нийслэлийн бүх дүүрэгт 50 гаруй айл, албан байгууллагын дулаан алдагдлыг тодорхойлж, асуудлыг шийдвэрлэсэн арвин туршлагатай.

“Гэрчулуу Констракшн” нь Монголын эрс тэс уур амьсгалд тохирсон дулаан алдагдалгүй байшин барих зорилготойгоор, чанартай, урт настай (60-100 жил) үл хөдлөх хөрөнгө бүтээхийг зорьдог. 15+ жилийн туршлагатай мэргэжлийн инженерүүдтэй, эрүүл мэндэд хоргүй, байгальд ээлтэй усан суурьтай шүршдэг хөөсөөр үйлчилгээ үзүүлдэг. Дулаан алдагдлыг нарийн тодорхойлж, хэмнэлттэй шийдэл санал болгодог бөгөөд хийсэн ажилдаа 25 жилийн баталгаа олгодог. Компанийн уриа нь “Залга, дулаал, хэмнэ!” юм.